सुरवीर लामालाई उपाधी पक्का
काठमाडौँ , असार ३२
पूर्व राष्ट्रिय च्याम्पिएन सुरवीर लामाले अन्तिम चरणको खेल अगावै मखन कप बुद्धीचाल प्रतियोगिताको उपाधी हात पार्न सफल भएका छन् | मखन चेस क्लबको आयोजनामा काठमाडौँमा संचालन भइरहेको प्रतियोगिता अन्तर्गत सनिबार सम्पन्न एघारौं चरणमा सुरवीरले राकेश रौनियारलाई हराए भने ब्राहौं चरणमा फिडेमास्टर मनीष हमालसँग बराबरीमा रोकिए | प्रतियोगिताका एक्ला अपराजीत सुरवीरको बाह्र खेलबाट १० दसमलब ५ अंक भएको छ |
एघारौं चरणसम्म दोश्रो स्थानमा रहेका भेट्रान राजेन्द्रप्रसाद श्रेष्ठ बाह्रौ चरणमा रिजेन्द्र राजभन्डारीसँग पराजीत हुन पुगेपछि सुरवीरको उपाधी पक्का भएको हो | यसअघि एघारौं चरणमा राजेन्द्रप्रसादले राजेन्द्रकुमार पराजुलीलाई पराजीत गरेका थिए | राजेन्द्रप्रसादको ९ अंक भएको छ | उनीसंगै फिडेमास्टर मनीष हमाल तथा रिजेन्द्र राजभन्डारी समान ९ अंकका साथ अंकतालिकाको दोश्रो स्थानमा रहेका छन् | एघारौं चरणमा मनीषले श्यामसुन्दर श्रेष्ठ तथा रिजेन्द्रले भेट्रान ज्ञानेन्द्रप्रसाद श्रेष्ठमाथी जीत हासिल गरे |
प्रेमकृष्ण महर्जन र राजन पुरी समान ८ दसमलब ५ अंकका साथ तेश्रो स्थानमा रहेका छन् | प्रेमले एघारौं तथा बाह्रौं चरणमा क्रमसः अस्मिता अधिकारी तथा राकेश रौनियारलाई हराए | राजनले एघारौंमा सुरज पण्डित तथा बाह्रौंमा तारा घलेलाई पराजीत गरे |
नवीन तन्दुकार ६, श्यामसुन्दर ५ दसमलब ५ तथा राकेश ३ दसमलब ५ अंकमा रहेका छन् | ज्ञानेन्द्रप्रसाद, राजेन्द्रकुमार, तारा घले, अस्मीता अधिकारीको समान ३ अंक रहेको छ भने सुरज पण्डितको २ दसमलब ५ अंक रहेको छ |
भोली अन्तिम चरणका खेल संचालन हुनेछन् |
उमेश केसी, फिडे आर्बिटर
No comments:
Post a Comment